મન નો વિશ્વાસ

સાલ મુબારક...સાંઈરામ દવે

2011-10-26T18:53:00.000+05:30

જય શ્રીકૃષ્ણ મિત્રો/વડીલો

આજે છે આસો વદ અમાસ એટલે કે આપળી રૂડી દિવાળી.અને આવતીકાલે થશે વિક્રમ સંવત ૨૦૬૮નો શુભારંભ.તો આપ સૌ મિત્રો વડીલો, બ્લોગર મિત્રો તથા આપના સમગ્ર પરિવારને મારા તથા મન અને અમારા સમસ્ત પરિવાર તરફથી શુભ દિપાવલી અને નૂતનવર્ષાભિનંદન. આવનારું આ વર્ષ આપના જીવનમાં ઘણી યાદગાર પળોને લઈને આવે અને આપની સર્વ મનોકામના પુર્ણ થાય તેવી પ્રભુને અભ્યર્થના.વળી આ વર્ષે ઘણું ઓછું મળવાનું થયુ છે તેમ છતા આપ સર્વે મિત્રોએ સંપર્ક જાળવી રાખ્યો તે બદલ આપનો ખુબ ખુબ આભાર. આજે રજું કરું છું સાઈરામ દવેની આ રમૂજી રચના આશા છે આ આપ સર્વેને ગમશે અને આપના અમૂલ્ય અભિપ્રાયની અપેક્ષા સહ...

(આ તસવીર ચંદ્રવદન કાકાના ઈ-મેલ પરથી મેળવેલ છે.)

તબિયત રહેજો હટ્ટીકટ્ટી સાલ મુબારક,

તૂટે નહી સ્લીપરની પટ્ટી સાલ મુબારક,

બને તો ભાગવત સપ્તાહ કરજો સાલ મુબારક,

નહીતર જૂના હપ્તા ભરજો સાલ મુબારક,

સ્કૂટરમાં ન પંકચર પડજો સાલ મુબારક,

ના ખોટા એડવેન્ચર કરજો સાલ મુબારક,

IT રિટર્ન NIL જ ભરવું સાલ મુબારક,

વીજળીના ચેકીંગથી ડરવું સાલ મુબારક,

બસમાં તમને સીટ મળી જાય સાલ મુબારક,

માનતા સઘળી તરત ફળી જાય સાલ મુબારક,

બેકારોને મળે નોકરીઓ સાલ મુબારક,

વાંઢાઓને મળે છોકરીઓ સાલ મુબારક,

આવે નહીં એકેય બિમારી સાલ મુબારક,

લોન થઈ જજો પાસ તમારી સાલ મુબારક,

નેતાગણ ના કરે કબાડા સાલ મુબારક,

ગુટખા પર લાગે ટાડા સાલ મુબારક,

કોઈ ન નકલી નોટો છાપે સાલ મુબારક,

કોઈ કોઈનું ખિસ્સું ન કાપે સાલ મુબારક,

શેર બજારના ભાવ ના તૂટે સાલ મુબારક,

ન એકેય બેંક ઊઠે સાલ મુબારક,

રક્ષાબંધન...અમર રાખડી.....કપિલ દવે

2011-08-13T09:28:00.000+05:30

જય શ્રીકૃષ્ણ ભાઈઓ તથા બહેનો,

હા આજે છે શ્રાવણ સુદ પૂર્ણિમા એટ્લેકે ભાઈ-બહેનનો તહેવાર એટલેકે રક્ષાબંધન. બહેન ભાઈના હાથે તેની લાંબી ઉંમર,સ્વાસ્થ્ય, પ્રગતિ અને સમૃદ્ધિ માટે રાખડી બાંધે અને ભાઈ બહેનની રક્ષા કરવાનું વચન આપે. આપણાં પૌરાણિક શાસ્ત્રોમાં રક્ષાબંધનના તહેવારને બલી રાજા અને લક્ષ્મીજી, કૃષ્ણ ભગવાન અને દ્રૌપદી, રાણી કર્ણાવતી અને મુઘલ બાદશાહ હુમાયુ, યમ અને યમુનાના સંદર્ભમાં ઘણી બધી વાતો સાંભળવા મળે છે, પરંતુ જેના માનમાં આ તહેવાર ઉજવવામાં આવે છે એ છે બલિરાજા અને લક્ષ્મીજી. બલિ રાજા ખૂબ ક્રૂર હતો. સાથે સાથે તે ભગવાન વિષ્ણુનો ઉપાસક પણ હતો. બલિરાજાની ઈચ્છા સ્વર્ગ પર આધિપત્ય જમાવવાની હતી. તેથી ઈન્દ્રએ ગભરાઈને વિષ્ણુ ભગવાનની મદદ માંગી. વિષ્ણુ ભગવાને વામન સ્વરૂપ ધારણ કરીને બલિરાજા પાસેથી ત્રણ પગલાંમાં પૃથ્વી, આકાશ અને પાતાળ બધું જ લઈ લીધું. બલિરાજાને જાણ હોવા છતાં કે ભગવાન વિષ્ણુ વામન અવતાર લઈને આવ્યા છે તેમણે દાન આપ્યું એ સાંભળીને વિષ્ણુએ વરદાન માંગવા કહ્યું. બલિરાજાએ ભગવાન વિષ્ણુને રાત-દિવસ પોતાની સામે રહેવાનું વરદાન માંગ્યું. વિષ્ણુ ભગવાન વૈકુંઠ પાછા ન ફરતાં લક્ષ્મીજી વિહ્વળ બની ગયાં. તેમણે બલિરાજાને ભાઈ બનાવીને રાખડી બાંધી અને વિષ્ણુ ભગવાનને મુક્ત કરાવ્યા. બસ, ત્યારથી આ તહેવાર ઉજવવામાં આવે છે. જોકે રાખડી એ રક્ષાનું પ્રતીક માનવામાં આવે છે. મહાભારતમાં કુંતા માતાએ અભિમન્યુને સાત કોઠા પાર કરવા માટે રક્ષાસૂત્ર બાંધ્યું હતું.

રક્ષાબંધન ભારત અને નેપાળમાં ઉજવવામાં આવે છે. વિશ્વમાં અન્ય કોઈ દેશમાં આ તહેવારની ઉજવણી નથી થતી. નેપાળમાં રક્ષાબંધનને શ્રાવણી પૂર્ણિમા તરીકે ઓળખવામાં આવે છે. તેને જનોઈ પૂર્ણિમા તરીકે પણ ઓળખવામાં આવે છે. નેપાળના લોકોમાં આજના દિવસે ક્વાતી નામની વાનગી આરોગવાનું વિશેષ મહત્ત્વ છે. આ વાનગી સાત ધાન્યોમાંથી બનાવવામાં આવે છે.

નાળિયેરી પૂર્ણિમાઃ

ભારતમાં ગુજરાત, મહારાષ્ટ્ર અને ગોવામાં રક્ષાબંધનને શ્રાવણી પૂર્ણિમા ઉપરાંત નાળિયેરી પૂનમ તરીકે ઉજવવામાં આવે છે. આ દિવસે દરિયાદેવની પૂજા કરવામાં આવે છે અને તેમને નાળિયેર પધરાવવામાં આવે છે.

ગમ્હા પૂર્ણિમા :

ઓરિસ્સામાં રક્ષા બંધનને ગમ્હા પૂર્ણિમા તરીકે ઓળખવામાં આવે છે. આ દિવસે ગાય અને બળદને શણગારવામાં આવે છે. રાધા અને કૃષ્ણના માનમાં ઝુલન યાત્રા કાઢવામાં આવે છે.

કાજરી પૂર્ણિમા :

મધ્ય પ્રદેશ, ઝારખંડ, બિહાર અને છત્તીસગઢમાં રક્ષા બંધનને કાજરી પૂર્ણિમા તરીકે ઓળખવામાં આવે છે. ખેડૂતોમાં આ તહેવાર વિશેષ મહત્ત્વ ધરાવે છે. રક્ષાબંધનના દિવસે બ્રાહ્મણોમાં જનોઈ બદલાવવાનું વિશેષ મહત્ત્વ હોય છે.

તો ચાલો આજે શ્રી કપિલ દવેની આ સુંદર રચના.આશા છે કે આપ સૌને ગમશે અને આપના અમૂલ્ય અભિપ્રાયની પ્રતિક્ષા રહેશે.

આજ બહેન ભાઈ ને બાંધશે અમર રાખડી,
આજ બહેન ભાઈ ને દેશે અમર આશીર્વાદ;

ને ભાઈ આપશે બહેનને અમુલ્ય ભેટ સોગાદ,
ભાઈ કરશે બહેનની રક્ષા જીવનભર;

આજ બ્રાહ્મણો બદલાવશે પવિત્ર જનોઈ,
ને આપશે યજમાનોને અમર આશીર્વાદ;

ખારવા નાળિયેર અર્પણ કરી દરિયાદેવને,
કરશે વિનંતિ લાજ રાખજો જીવનભર;

કોઈ કહે છે રક્ષાબંધન,કોઈ કહે બળેવ,
આજ ઘણાં ઉજવશે કહી નાળિયેરી પૂર્ણિમા;

પણ આજ ચોધાર આંસુડે રડશે બહેન,
‘કપિલ’ જેને નહિ હોય સગો ભાઈ.
.................................................

આભાર સંદેશ સમાચારપત્ર

મિત્ર-દિન...તને સાંભરે રે ?..... પ્રેમાનંદ

2011-08-07T07:05:00.001+05:30

જય શ્રીકૃષ્ણ મિત્રો/ વડીલો,

આજે છે ઓગસ્ટ મહિનાનો પ્રથમ રવિવાર એટલેકે મિત્રતા દિન. તો આજે ચાલો યાદ કરીએ બે મિત્રો કૃષ્ણ અને સુદામા, વર્ષો પછી જ્યારે દ્વારિકામાં મળે છે ત્યારે પોતાના બાળપણના સંસ્મરણોને વાગોળે છે આ પ્રસઁગ શ્રી પ્રેમાનંદે તેમના સુદામાચરિત્રના 10માં કડવામાં ખુબ સુંદર આલેખ્યો છે.આશા છે કે આ આપ સૌને ગમશે અને આપ આપનો અમૂલ્ય પ્રતિભાવ આપશો...

[કડવું:- 10 મું ]

પછી શામળિયો બોલિયા, તને સાંભરે રે ?
હાજી નાનપણાની પેર, મને કેમ વીસરે રે ?
આપણે બે મહિના પાસે રહ્યા, તને સાંભરે રે ?
હાજી સાંદીપનિ ઋષિને ઘેર, મને કેમ વીસરે રે ?
અન્ન ભિક્ષા માગી લાવતા, તને સાંભરે રે ?
હાજી જમતા ત્રણે ભ્રાત, મને કેમ વીસરે રે ?

આપણે સૂતા એક સાથ રે, તને સાંભરે રે ?
સુખદુ:ખથી કરતા વાત, મને કેમ વીસરે રે ?

પાછલી રાતના જાગતા, તને સાંભરે રે ?
હાજી કરતા વેદની ધુન્ય, મને કેમ વીસરે રે ?

ગુરુ આપણા ગામે ગયા, તને સાંભરે રે ?
હાજી જાચવા કોઈક મુન્ય, મને કેમ વીસરે રે ?

કામ દીધું ગોરાણીએ, તને સાંભરે રે ?
કહ્યું લેઈ આવોને કાષ્ઠ, મને કેમ વીસરે રે ?

શરીર આપણાં ઊકળ્યાં, તને સાંભરે રે ?
હાજી માથે તપ્યો અરીષ્ઠ, મને કેમ વીસરે રે ?

સ્કંધે કહોવાડા ધર્યા, તને સાંભરે રે ?
ઘણું દૂર ગયા રણછોડ, મને કેમ વીસરે રે ?

આપણે વાદ્વ વદ્યા ત્રણે બાંધવા, તને સાંભરે રે ?
હાજી ફાડ્યું મોટું ખોડ, મને કેમ વીસરે રે ?

ત્રણે ભારા બાંધ્યા દોરડે, તને સાંભરે રે ?
હાજી આવ્યા બારે મેહ, મને કેમ વીસરે રે ?

શીતળ વાયુ વાયો ઘણો, તને સાંભરે રે ?
ટાઢે થરથર ધ્રુજે દેહ, મને કેમ વીસરે રે ?

નદીએ પૂર આવ્યું ઘણું, તને સાંભરે રે ?
ઘન વરસ્યો મુશળાધાર, મને કેમ વીસરે રે ?

એકે દિશા સુઝી નહીં, તને સાંભરે રે ?
થયા વીજ તણા ચમકાર, મને કેમ વીસરે રે ?

ગુરુજી ખોળવા નીસર્યા, તને સાંભરે રે ?
કહ્યું સ્ત્રીને કીધો તેં કેર, મને કેમ વીસરે રે ?

આપણને હૃદયાંશુ ચાંપિયા, તને સાંભરે રે ?
પછી તેડીને લાવ્યા ઘેર, મને કેમ વીસરે રે ?

ગોરાણી ગૌ દોતાં હતાં, તને સાંભરે રે ?
હતી દોણી માગ્યાની ટેવ, મને કેમ વીસરે રે ?

મેં નિશાળેથી કર વધારિયો, તને સાંભરે રે ?
હાજી દીધી દોણી તતખેવ, મને કેમ વીસરે રે ?

જ્ઞાન થયું ગુરુપત્નીને, તને સાંભરે રે ?
તમને જાણ્યા જગદાધાર, મને કેમ વીસરે રે ?

ગુરુદક્ષિણામાં માંગિયું, તને સાંભરે રે ?
હાજી મૃત્યુ પામ્યો જે કુમાર, મને કેમ વીસરે રે ?

મેં સાગરમાં ઝંપલાવ્યું, તને સાંભરે રે ?
તમો શોધ્યાં સપ્ત પાતાળ, મને કેમ વીસરે રે ?

હું પંચાનન શંખ લાવિયો, તને સાંભરે રે ?
હાજી દૈત્યનો આણ્યો કાળ, મને કેમ વીસરે રે ?

સંયમની પુરી હું ગયાં, તને સાંભરે રે ?
પછી આવી મળ્યો જમરાય, મને કેમ વીસરે રે ?

પુત્ર ગોરાણીને આપિયો, તને સાંભરે રે ?
હાજી પછે થયા વિદાય, મને કેમ વીસરે રે ?

આપણે તે દિનથી જુદા પડ્યા, તને સાંભરે રે ?
હાજી ફરીને મળિયા આજ, મને કેમ વીસરે રે ?

હું તુજ પાસે વિદ્યા ભણ્યો, તને સાંભરે રે ?
મને મોટો કર્યો મહારાજ, મને કેમ વીસરે રે ?

--- પ્રેમાનંદ ( ‘સુદામાચરિત્ર’ પુસ્તક ) ---

વળી અગાઉ પ્રસિદ્ધ થયેલ કૃષ્ણ-સુદામાની જોડી ની મુલાકાત પણ જરૂરથી લેશો.

ગુરૂપુર્ણિમા...નિર્મળ બની નહી કાયા.....ચુંથાભાઈ જીજીદાસ પટેલ

2011-07-15T16:15:00.001+05:30

જય શ્રીકૃષ્ણ મિત્રો,

આજે છે અષાઢી પૂનમ એટલે કે ગુરૂપુર્ણિમા. જીવનયાત્રાને પાર પાડવા ગુરુ પથદર્શકની ભૂમિકા ભજવે છે. સદગુરુ શિષ્યનાં જીવનને દિશા આપે છે. માટે જ તો કહે છે કે

ગુરૂ ગોવિંદ દોનો ખડે, કીસકો લાગુ પાય,
બલિહારી ગુરૂ આપને, ગોવિંદ દિયો બતાય.

ગુરૂ બ્રહ્મા, ગુરૂ વિષ્ણુ, ગુરુદેવો મહેશ્વર,
ગુરૂઃ સાક્ષાત પરિબ્રહ્મ, તસ્મૈ શ્રી ગુરુવે નમઃ

તો ચાલો આજે માણીએ શ્રી ચુંથાભાઈ જીજીદાસ પટેલ ની આ રચના... આપના અમૂલ્ય પ્રતિભાવની અપેક્ષા સહ.....

કરી જાતરા જીવ ભરમાયા તોયે નિર્મળ બની નહી કાયા
ગણા મંડપ મેળાવડા રચાયા તોયે એવા ને એવા જણાયા

પંચ વિષયના પ્યાર
નથી છુટતા લગાર
ગંગા યમુનાના નિરમાં નાહ્યા તોયે નિર્મળ બની નહી કાયા

સુણ્યાં પોથી પુરાણ
તોય રહ્યા અજાણ
સાત દિવસ સપ્તાહમાં ગુમાવ્યા તોય એવ ને એવા જણાયા

લાગ્યો પુરુષોત્તમે રંગ
જાણ્યો મેશ્વો નદી ગંગ
ગંગા નદીમાં દિવડા જગાવ્યા તોય એવા ને એવા જણાયા

તિલક માળાનો ને’મ (નિયમ)
તોય મનમાં ગણો વ્હેમ
કંઠે તુલસીના મણકા લગાવ્યા તોય નિર્મળ બની નહી કાયા

મળ્યા સદ્‍ગુરૂ દેવ
કરી ચરણની સેવ
ચુંથારામ પુરણ મનોરથ પાયા પછી હરખે ગુરૂના ગુણ ગાયા

વિશ્વાસનો ધબકાર...અનાયાસ ઝિંઝુવાડીયા "આંશિક"

2011-06-21T04:00:00.000+05:30

રાધેકૃષ્ણ મિત્રો / વડીલો,

આમ તો આજે બહુ વહેલી છુ પણ આ રચના પૂર્વસૂચિત કરેલ છે એટલે જ્યારે આપ આ વાંચી રહ્યા હશો ત્યારે હશે ૨૧મી જૂન. એટલે કે વિશ્વ સંગીત દિવસ અને સાથે સાથે આ બ્લોગના રચયિતા અને આપ સૌના હિતેશ "વિશ્વાસ"નો પણ જન્મદિન છે. તો આજે આ ખાસ પોસ્ટ વિશના જન્મદિવસની ભેટરૂપે અર્પણ થઈ શકે તે માટે ખાસ આજે સમય લઈને આજના દિવસે રજૂ થાય એવી ગોઠવણ કરેલ છે.બસ અનાયાસે જ અનાયાસ ઝિંઝુવાડિયાના બ્લોગ સમન્વય પર એકવાર જઈ ચડ્યા અને તેમની આ રચના ખૂબ પસંદ આવી તો આજના દિને આ રચના ખાસ વિશ અને આપ સૌને માટે... આશા છે કે આપ સૌને ગમશે અને આપના અભિનંદન અને અમૂલ્ય અભિપ્રાયોની આશા સાથે....

આંખોના પલકારે આજે આંસુ વેદના બની છલકાય છે,

પળ-પળના ધબકારે આજે તો સ્નેહના સ્પંદન વિખરાય છે.

શ્વા્ચ્છોશ્વાસે હવે આજે એક જ ઝંખના ઉત્પન્ન થાય છે,

મુકું તારા હોઠોએ સ્મીત એવા રમતા કે મનડું હવે તો તારૂં સ્નેહમાંજ મલકાય છે.

વિરહના કાળજા તારા-મારા આજે તો જોઇ ,

ક્યારેક તો હદય પણ ધબકાર ચૂકી જાય છે.

હાથમાં હાથ નાખી આજે જીદંગીની નવી રાહે નીકળતા,

સમયના સાત સમુદ્રની રેખા આજે વચ્ચે ખેંચાય છે.

જુએ છે દુનિયા આજે અનંત પ્રેમ તારો-મારો,

તોયે પળે-પળે સંબંધોના આજે પારખા થાય છે.

કોમળ હદય આજે તો તારૂં-મારૂં ખાલી ભૂખ્યું છે પ્રેમનું,

ન જાણે કેમ તોયે આજે લાગણીઓ મૂંઝ્વણ બની છલકાય છે.

મળવાને હદય તારા આજે,

હદયતો મારૂં પણ થનગન થાય છે,

દૂરીના દરીયાને પ્રેમની નાવડીમાં ઓળંગવા જતા મનડું આજે,

ક્યાંક જીદંગીના વમળમાં ગોથા ખાય છે.

ભલે સક્ષમ નથી આજે લાગણીઓ સમક્ષ તારી રજૂં કરવા હું,

પણ કહું શું તને કે આજે તો મારી ઊર્મીઓ પણ જુદા આકારે પ્રગટ થાય છે.

વિશ્વાસ મારો કહે છે આજે ખબરતો તને પણ હશે કે,

ધબકાર જ્યારે ત્યાં થાય છે ત્યારે અવાજ તો અહીં પણ સંભળાય છે.

ધુળેટી બહું રંગીન લાગે છે….. રઈશ મણિયાર

2011-03-20T16:50:00.000+05:30

જય શ્રીકૃષ્ણ મિત્રો,

ઘણા સમય બાદ આજે નવી રચના સાથે આવ્યો છું, તો તે બદલ ક્ષમાપ્રાર્થી છું.હમણાથી કામમાં ખુબ જ વ્યસ્ત રહેવાય છે. પણ આજના દિવસે તો ખાસ સમય નિકાળીને આવ્યો છુ, આજે છે ફાગણ વદ એકમ.એટલે કે ધુળેટી. તો સૌ મિત્રો/વડીલોને મારા,મન અને અમાર પરિવાર તરફથી હોળી અને ધુળેટીની ખુબ ખુબ શુભકામનાઓ.અને આજના જ દિને અમારા ગુરૂજીનો પણ જન્મદિન છે.વળી તમને ખબર છે આજે છે ૨૦મી માર્ચ જે વિશ્વ ચકલી દિન અને વિશ્વ વાર્તા કથન દિવસ તરીકે ઉજવાય છે. અને આ સૌ પ્રસંગે એક વાર્તા જ જેવી અને આપણા બાળપણ તથા ભૂતકાળને યાદ કરાવી દે તેવી શ્રી રઈશ મણિયારની રચના સંદેશ સમાચારપત્રમાં વાંચી તો થયું કે આપ સૌ સાથે તેને માણું. તો ચાલો માણિએ આ રચના..અને હંમેશા તમારા અમૂલ્ય અભિપ્રાયોથી સાથ આપતા રહેશો...

ધુળેટીના તમાશાઓ બહું રંગીન લાગે છે,

આ પરણ્યાઓ, કુંવારાઓ બહું રંગીન લાગે છે.

તેં ખેંચ્યા એ દુપટ્ટાઓ બહું રંગીન લાગે છે,

પડ્યા ગાલે તમાચાઓ બહું રંગીન લાગે છે.

પાડોશણને તું રંગે ત્યાં જ પત્ની જોઈ ગઈ, માર્યા !

ધુળેટીના ધબડકાઓ બહું રંગીન લાગે છે.

કયા મારા, પાડોશીના કયા એ પણ કળાતું ક્યાં,

સમી સાંજે આ ભૂલકાઓ બહું રંગીન લાગે છે.

જે નિકળ્યા શ્વેત ટોપી, શ્વેત કફની, શ્વેત ધોતીમાં,

ફર્યા પાછા તો કાકાઓ બહું રંગીન લાગે છે.

જીવન બસ “બ્લેક” પિક્ચરસમ અને “કાઈટ્સ”નું બસ ટ્રેલર,

આ ટ્રેલર જેવા દહાડાઓ બહું રંગીન લાગે છે.

લપસવું, ભાગવું, પકડાવું, ભીંજાવું ને ખરડાવું,

નર્યા ગમગીન કિસ્સાઓ બહું રંગીન લાગે છે.

ડો.હિતેશ “ વિશ” નો જન્મદિન..... जाता मैं जाता कहा.....

2010-06-21T05:40:00.002+05:30

રાધેકૃષ્ણ મિત્રો,

આજે તો ઘણા સમય બાદ આપ સૌને મળવા આવી છું. ઓળખી મને. હા મનનો વિશ્વાસ ની ' મન'. પણ આજે ખાસ તો હું મારા મિત્ર વિશ અને આપના ડો.હિતેશ માટે આવી છું. જાણો છો મિત્રો આજ છે ૨૧મી જૂન. એટલેકે મારા વિશનો જન્મદિન. અને દર વર્ષે હું તેને મારી એક રચના અર્પણ કરતી જ હોઉં છું. વળી આ સમયગાળામાં જ તે ખૂબ જ વ્યસ્ત રહેતા હોય છે અને અત્યારે તો તે ૧૨માં પછીના મેડિકલ અને પેરામેડિકલ ના પ્રોફેશનલ એજ્યુકેશન કોર્સની એડમિશન પ્રક્રિયાની વધારાની કામગીરીમાં પણ ગૂંથાયેલા છે જેથી કદાચ આપ સૌને નથી મળી શકતા તો તેમના વતી હું ક્ષમા પ્રાર્થી છું.અને તેમને સરપ્રાઈઝ ગિફ્ટ આપવા માટે જ આ રચના લઈને આવી છું, જે આમ તો વિશને ક્યારનીયે આપી હતી પણ તેણે આ પ્રદર્શિત નહોતી કરી અને વળી આ રચના મારી નથી પણ હા તેના ભાવ જરૂર અનુભવી શકાય તથા આ રચનાનું આધ્યાત્મિક મૂલ્ય પણ છે તથા કોઈના પ્રત્યેના પ્રેમ ના બંધનનું પણ છે, આશા છે કે આપને પણ આ પસંદ આવશે.

વળી આજે છે વિશ્વ સંગીત દિન પણ, તો આ રચના આપ સૌને સાંભળવા પણ મળૅ તેવી વ્યવસ્થા કરી છે તો સુલભગુર્જરીની મુલાકાત લેવાનું ચૂકતા નહી.વળી આજે તો વર્ષનો સૌથી લાંબામાં લાંબો દિવસ પણ છે.આજે સાડા તેર કલાકનો દિવસ અને સાડા દસ કલાકની રાત્રી છે. તો આ લાંબા દિનનો લાભ લઈ ગયા વર્ષે વિશે રજુ કરેલી મારી રચના છે આ ગઝલ….“મન” અને વિશનું ગમતું ગીત तेरा मुजसे है पेहले का नाता कोई પણ જરૂરથી માણજો, અને આપના આશિર્વાદ અને શુભકામનાના બે શબ્દો વિશને જરૂરથી આપશો. તો ફરી વિશને જન્મદિનની ખૂબ ખૂબ શુભકામનાઓ.

जाता मैं जाता कहा ?

तूं ही है मेरा जहॉं I

जाता मैं जाता कहा ?

तूं ही है मेरा जहॉं II

तेरे सिवा ना कोई मेरा यहां

तेरे सिवा ना कोई मेरा यहां I

जाता मैं जाता कहा ?

तूं ही है मेरा जहॉं II

भटका हुआ था, खोया हुआ था,

अंधेरी दुनियामें सोया हुआ था,

भटका हुआ था, खोया हुआ था,

अंधेरी दुनियामें सोया हुआ था,

अनाथ था तुने बेटा कहा,

बांहे बरसाऍ जहां आजा यहां I

जाता मैं जाता कहा ?

तूं ही है मेरा जहॉं II

तेरे सिवा ना कोई मेरा यहां

तेरे सिवा ना कोई मेरा यहां I

जाता मैं जाता कहा ?

तूं ही है मेरा जहॉं II

आंसुं ये मेरे बोंछे ना कोई,

दर्दो को मेरे सोचे ना कोई,

आंसुं ये मेरे बोंछे ना कोई,

दर्दो को मेरे सोचे ना कोई I

मेरे सब दर्दो को सहता रहां,

मेरे सब दर्दो को सहता रहां I

जाता मैं जाता कहा ?

तूं ही है मेरा जहॉं II

तेरे सिवा ना कोई मेरा यहां

तेरे सिवा ना कोई मेरा यहां I

जाता मैं जाता कहा ?

तूं ही है मेरा जहॉं II

दुनिया में मैने ठोकर है खाई,

करूणा ये तेरी मैने है पाई I

दुनिया में मैने ठोकर है खाई,

करूणा ये तेरी मैने है पाई I

साथ में तु हर दम रहता रहां

साथ में तु हर दम रहता रहां I

जाता मैं जाता कहा ?

तूं ही है मेरा जहॉं II

तेरे सिवा ना कोई मेरा यहां

तेरे सिवा ना कोई मेरा यहां I

जाता मैं जाता कहा ?

तूं ही है मेरा जहॉं II

ગુજરાતનો જન્મદિવસ...ગુજરાતી થઈ, ગુજરાતી કોઈ બોલે નહી બરાબર

2010-05-01T19:16:00.000+05:30

જય શ્રીકૃષ્ણ મિત્રો,

કેમ છો? આજે તો છે ૧લી મે. આપણા ગુજરાતનો જન્મદિવસ. અને આપણા લોકલાડીલા ગુજરાતને આજે ૫૦ વર્ષ પૂર્ણ થઈ ગયા. ૧લી મે ૧૯૬૦ના રોજ મહાગુજરાત ચળવળના અંતે આપણું ગુજરાત મહારાષ્ટ્રથી અલગ થયું હતું.વળી આજે છે વિશ્વ મજદૂરી દિન પણ. તો ચાલો આજે કંઇક સારૂ જ જાણવા મળે એવી રચના બતાવું પણ આ વખતે આપ સૌ એ મને મદદ કરવાની છે, આજે મને એક ખૂબ સરસ ગીત મળ્યું છે જે વ્યંગ પણ છે પણ તેના બધા શબ્દો મારાથી સમજી શકાયા નથી તો આ કામ આપે કરવાનું છે આ ગીત સુલભગુર્જરીમાં સુર સાથે રજૂ કરેલ છે જે આપ સૌ સાંભળી તેના શબ્દો મને મોકલશો ને ...!!! તો ચાલો માણિએ સ્વર્ણિમ ગુજરાતની આ એક સુંદર રચના....

gujarati-koi-bole-nahi-barabar

http://sulabhgurjari.com/wp-content/uploads/manwish/gujarati-koi-bole-nahi-barabar.mp3

ગુજરાતી થઈ, ગુજરાતી કોઈ બોલે નહી બરાબર.(૨)

ભાષાની મીઠાશ નહી ને, જાણે બોલે કાગડો કાબર,

ગુજરાતી થઈ, ગુજરાતી કોઈ બોલે નહી બરાબર.(૨)

ઉત્તરમાં ગરબી રમતા, મા અંબાજી સાક્ષાત,

અને દક્ષિણમાં આ આદીવાસીઓ ભાષાથી અજ્ઞાન,

અમદાવાદમાં ચીપી ચીપીને, અવનવા પાણી પીશો,

અમદાવાદમાં ચીપી ચીપીને, બોલે બ્રાહ્મણ નાગર.

ગુજરાતી થઈ, ગુજરાતી કોઈ બોલે નહી બરાબર.(૨)

ભાષાની મીઠાશ નહી ને, જાણે બોલે કાગડો કાબર,

ગુજરાતી થઈ, ગુજરાતી કોઈ બોલે નહી બરાબર.(૨)

આ તો ચૈતર વૈશાખનાં વાયરા…..વેણીભાઈ પુરોહિત

2010-04-14T07:11:00.003+05:30

જય શ્રીકૃષ્ણ મિત્રો,

કેમ છો ? ઘણા લાંબા સમયના વિરામ બાદ આજે મળિએ છીએ, આશા છે આપ મને ભૂલી નહી ગયા હોવ. અરે કેટલાક મિત્રોએ તો એમ પણ કહી દીધું કે હિતેશ તે મનનો વિશ્વાસ બ્લોગ અપડેટ કરવાનું સદા માટૅ બંધ કરી દીધું છે કે શું ? તો ના મિત્રો, આ વાત માત્ર એપ્રિલફૂલ જ છે, પણ હમણા વ્યસ્તતા રહે છે પણ હવે બસ આ મહિનાના અંત સુધીમાં એમ.બી.બી.એસ. ના વિદ્યાર્થીઓનો અભ્યાસક્રમ પૂર્ણ થઈ જાય છે તથા મારી ખાતાકીય પરીક્ષા પણ પૂર્ણ થઈ જશે તો બસ હવે થોડોક જ ઈંતજાર, પછી વેકેશનના ગાળામાં ફરી ગુજરાતી ગીત-સાહિત્ય માં રસ તરબોળ થઈ જાશું....

અરે હાં આજે છે ૧૪મી એપ્રિલ. એટલે કે ડૉ.ભીમરાવ આંબેડકર જયંતિ અને સાથે સાથે વિશ્વ અગ્નિશામક દિન. તો આજના દિન પર એ પ્રણ લઈએ કે આપણા દિલમાં પણ કોઈ પણ વ્યક્તિ પ્રત્યેની આગ એટલે કે ગુસ્સો, મતભેદ, ઈર્ષા,ભેદભાવ વગેરે ભૂલાવી તે આગનું શમન કરી પ્રેમભાવના પ્રગટાવીએ. અને અત્યારે તો જો કે આપણા સૂરજદાદા પણ આગ વરસાવી રહ્યા છે અને ઉનાળો ધોમધખી રહ્યો છે અને આજે તો ચૈત્રમાસની અમાસ છે અને આવતીકાલથી તો વૈશાખ માસ શરૂઆત થઈ જાશે. તો ચાલો વેણીભાઈ પુરોહિતની આ રચનાથી આપણે આ ચૈત્ર-વૈશાખના વાયરાની માહિતી લઈ થોડી ઢાઢક મેળવીએ. તો આશા છે આપને આ રચના ગમશે, અને બસ હવે ટૂંક સમયમાં જ મળિશું... અને આ રચનાને સુર સાથે માણવા માટે સુલભગુર્જરીની મુલાકાત જરૂરથી લેજો. અને આપ સર્વે પણ આપનો અમૂલ્ય અભિપ્રાય આપશોજી, અને મારી રાહ જોશો ને ??? !!!!!

સ્વર : પુરુષોત્તમ ઉપાધ્યાય

ગરમ હવાની લહેરખીયે, નીજ કોમળ તન કરમાશે
અગન પીછોડી ઓઢી ધરતી, તુજ ચરણે ચંપાશે
સખી થંભી જા વાટે લગાર, સખીરી

તારો છેડલો તું માથે રાખને જરા
આ તો ચૈતર વૈશાખનાં વાયરા
તારી વેણીની મ્હેક જાશે ઉડી
આ તો ચૈતર વૈશાખનાં વાયરા

અંગારા વેરતો તડકાનો તોર કાંઈ
અંગારા ઝીલતો આંખ્યુંનો તોર કાંઈ
તારી આંખ્યું અધોકડી તું રાખને જરા
આ તો ચૈતર વૈશાખનાં વાયરા

ઊનાયે વાયરા ને પાલવડે
પુરનાં ઓછરતાં ઓરતા ઉના
તારા હૈયા પર હાથ તો રાખને જરા
આ તો ચૈતર વૈશાખનાં વાયરા

રામનવમી...રઘુપતિ રાઘવ રાજારામ.....

2010-03-24T15:40:00.000+05:30

જય શ્રીરામ મિત્રો,

આજે છે ચૈત્રી સુદ નોમ. આજનો દિવસ તો શ્રીરામ ભગવાનનો જન્મદિવસ.એટલે રામનવમી.રામનવમી વિશેની વધુ જાણકારી માટે ગત વર્ષે રજૂ કરેલ રચનારામનવમી…રામ રમે સોગઠે રે….. જરૂરથી માણજો.વળી શ્રીરામ ની વંશાવલી પણ જરૂર જાણશો.

વળી આજે છે ૨૪મી માર્ચ પણ આજે છે વિશ્વ ક્ષય દિન. આ માટૅની વિગતવાર માહિતી માટે ગત વર્ષની આ રચના વિશ્વ ક્ષય દિન…અંધશ્રદ્ધા નો ક્ષય….. ‘સૂફી’ પરમાર જરૂરથી આપ જોશો તેવી આશા છે.કારણકે આ રોગ પ્રત્યેની જાગૃતિ જ આપણને સુરક્ષા બક્ષી શકે છે અને આપણું ભાવિ સુખમય રાખી શકે છે.તો ચાલો આજે માણીએ આ લોકપ્રિય ભજન...

રઘુપતિ રાઘવ રાજારામ,

પતિત પાવન સીતારામ.

સીતારામ સીતારામ,

ભજ પ્યારે તુ સીતારામ.

કૌશલ્યાના પ્યારા રામ,

દશરથના દુલારા રામ.

રઘુપતિ રાઘવ રાજારામ,

પતિત પાવન સીતારામ.

અયોધ્યાના રાજા રામ,

હનુમાજીના વહાલારામ.

લક્ષ્મણજીના સાથી રામ,

ભરતજીના બંધુ રામ.

રઘુપતિ રાઘવ રાજારામ,

પતિત પાવન સીતારામ.

રાત્રે નિદ્રા દિવસે કામ,

ક્યારે ભજશો સીતારામ?

સીતારામ સીતારામ,

ભજ પ્યારે તુ સીતારામ.

ચૈત્રની નવરાત્રી આવી....."મન"

2010-03-23T23:16:00.000+05:30

જય શ્રીકૃષ્ણ મિત્રો,

આજે છે ચૈત્રી સુદ આઠમ. આમ તો ચૈત્રી નવરાત્રીનો પ્રારંભ ક્યારનોય થઈ ગયો છે, પણ વ્યસ્તતાને લીધે કોઈ ગરબો નહોતો મૂકી શકાતો પણ મારી મિત્ર મન એ મને મીઠી ટકોર સાથે તેમની આ રચના આપી અને કહ્યું કે જીવનનઈ વ્યસ્તતા વચ્ચે પણ પ્રભુ ભક્તિ માટે આપણી માતાજી માટે તો સમય કાઢવો પડે મળે નહી, તેથી આજે રાત્રીના ૧૧ કલાકે પણ સમય કાઢીને આ પોસ્ટ રજુ કરી રહ્યો છું વળી આઠમ હોવાથી માતાજીના નૈવેદ્યનો પણ દિન હોવાથી યોગ્ય સમયે આ આપ સમક્ષ રજુ કરવાની કોશિશ કરી છે આશા છે આપ સર્વેને આ ગમશે અને આપના અમૂલ્ય પ્રતિભાવોની પ્રતિક્ષા રહેશે.

જય દુર્ગા મા, જય ચામુંડા મા,

ચૈત્રની નવરાત્રી આવી,

ગરબે રમી, ધૂમ મચાવી,

આજે રૂડી આથમડી આવી,

ચૈત્રની નવરાત્રી આવી.

ચોક વળાવી, સાથિયા પૂરાવી,

જોઉં તમારી વાટડી,

આજે રૂડી આથમડી આવી,

ચૈત્રની નવરાત્રી આવી.

ફૂલોનો ગજરો બનાવી,

દીવડે જ્યોત જલાવી,

જોઉં તમારી વાટડી,

આજે રૂડી આથમડી આવી,

ચૈત્રની નવરાત્રી આવી.

ગરબે રમી, ધૂમ મચાવી,

આજે રૂડી આથમડી આવી,

ચૈત્રની નવરાત્રી આવી.

ગુરુજીનો જન્મદિન...સવારી રે ચડી સનાતન સંતની.....ખોડુભા

2010-03-01T07:00:00.002+05:30

જય શ્રીકૃષ્ણ મિત્રો,

આજે છે ધુળેટી.આજે રંગોત્સવની સાથે સાથે છે અમારા ગુરુજી શ્રી પુરૂષોત્તમદાસ લાલજી મહારાજનો આજે જન્મદિન પણ છે.તો ગુરુજીને કોટિ કોટિ વંદન સહ જન્મદિનની શુભકામનાઓ.હાલમાં તેઓ હયાત નથી પરંતુ તેમ છતા આજે પણ તેમની અનુભૂતિ થાય છે અને તેમના આશીર્વાદ અમ સૌ ભક્તો પર વરસતા રહે છે.તો આ પ્રસંગે ગુલાલની છોળો સાથે સાથે ચાલો ભક્તિના રંગે પણ રંગાઈ જઈએ.ખાસ આ ભજન ગુરુજીને અર્પણ.

સવારી રે ચડી સનાતન સંતની-ટૅક

કરવાં એને ભારતનાં કલ્યાણ રે, વનથળના વાસી. સવારી રે

કપરા કૂડા કળી કાળમાં, તપોબલના ઊગ્યાં આભે ભાણે રે

વનથળના વાસી. સવારી રે

નેજા ફરકે સનાતન ધર્મના, સંસ્કૃતિની ઝળકે જીવન જ્યોત રે

વનથળના વાસી. સવારી રે

બિરદ શોભાવ્યું ગુરૂદેવનું, તિમિર ટાળી પાડ્યો જગપ્રકાશ રે

વનથળના વાસી. સવારી રે

હાકલ વાગે પુરૂષોત્તમલાલની

અનોખા શોભે કાંઈ શાદળા કેરા પંથ રે

વનથળના વાસી. સવારી રે

શાપર સૌરાષ્ટ્ર જન્મ ભોમકા,

વનથળ ગામને વગડે કીધો વાસ રે,

વનથળના વાસી. સવારી રે

ઉજ્જ્વળ કીધી રેવાબાની કૂખને,

દિપાવ્યા છે કંઈ બાપુ વિશ્વનાથ રે,

વનથળના વાસી. સવારી રે

કર જોડી વિનવે ખોડુભા આપને,

કરજો બાપું ગાંગડ ગામમાં વાસ રે,

વનથળના વાસી. સવારી રે

હોળી...રાષ્ટ્રીય વિજ્ઞાન દિવસ...રંગીલો ફાગણનો મહિનો.....

2010-02-28T07:00:00.000+05:30

જય શ્રીકૃષ્ણ મિત્રો,

આજે છે ફાગણ સુદ પુનમ એટલેકે હોળી. વળી આજે છે ૨૮મી ફેબ્રુઆરી એટલે કે રાષ્ટ્રીય વિજ્ઞાન દિવસ પણ.વળી ગઈકાલે હતી ઈદ-એ-મિલાદ.આમ હમણાં તો તહેવારોનો મેળો ભરાયો છે અને આ તહેવારો જ તો છે કે જે આપણી જિંદગીમાં એકબીજાને નજીક લાવે છે ખુશીઓ છલકાય છે અને પ્રેમ સર્વત્ર પ્રસરે છે.

ગત વર્ષે જો કે હોળી પર કુદરતી રંગો બનાવવાની રીત આપી જ હતી પણ આ વર્ષે ફરીવાર તેની મુલાકાત લઈ એ રીત નોંધી લેજો તથા સાથે સાથે મારી મિત્ર મન ની રચના રંગીલી આવી આ હોળી આવી…..“મન” પણ માણજો અને આપનો અમૂલ્ય પ્રતિભાવ આપશો તેવી આશ સહ...

વળી વિજ્ઞાનદિવસની જાણકારી માટે રાષ્ટ્રીય વિજ્ઞાન દિવસ…માનવી અને વિજ્ઞાન…..દિલીપ આર.પટેલ રચનાની મુલાકાત પણ જરૂરથી લેજો હોં ને...અને આજ પ્રસ્તુત છે ગુજરાતી ફિલ્મ માલવ પતિ મુંજ ની આ રચના આશા છે આપ સૌને ગમશે.....

રંગીલો ફાગણનો મહિનો, ચારેકોરે રંગ છે,

નાચી રહ્યા છે આંખ ને અંતર, યૌવન અંગેઅંગ છે.

યૌવન ? યૌવન એટલે શું ?

અરેરે ! યૌવન નથી સમજતાં !

શું મને થાય, ના સમજાય,

નિંદરમાંથી ઝબકી જવાય...(૨)

કોઈ સુંદર સાવરી સૂરત નિરખતાં,

મનમાં ખળખળ થાય,

ના સમજાય, ના સૂવાય

આમ થાય ત્યારે સમજી લેવું, આવી ગયો અનંગ છે,

નાચી રહ્યા છે આંખ ને અંતર, યૌવન અંગેઅંગ છે.

રંગીલો ફાગણનો મહિનો, ચારેકોરે રંગ છે,

નાચી રહ્યા છે આંખ ને અંતર, યૌવન અંગેઅંગ છે.

આ ભ્રમર અને આ ફૂલ, એને પણ એક પ્રિત છે,

ફૂલની પાંખે ભ્રમર બીડાય, એવી પ્રિતની રીત છે.

સમજાવો મને દીપક ઉપર જલતો કેમ પતંગ છે,

નાચી રહ્યા છે આંખ ને અંતર, યૌવન અંગેઅંગ છે.

તમને જોઈ તનમન નાચે, એવું થાય કેમ ?

કેમ કરી સમજાવું, એનું નામ પ્રેમ.

ચંદ્ર ને જોઈ ઉરસાગરમાં, ઉછળી રહે તરંગ છે,

નાચી રહ્યા છે આંખ ને અંતર, યૌવન અંગેઅંગ છે.

રંગીલો ફાગણનો મહિનો, ચારેકોરે રંગ છે,

નાચી રહ્યા છે આંખ ને અંતર, યૌવન અંગેઅંગ છે.

અમદાવાદનો ૬૦૦મો જન્મદિવસ...અમે અમદાવાદી..... અવિનાશ વ્યાસ

2010-02-27T13:59:00.000+05:30

જય શ્રીકૃષ્ણ મિત્રો,

આજે છે ૨૬મી ફેબ્રુઆરી એટલે કે આપણા અમદાવાદનો ૬૦૦મો જન્મદિવસ.તો આપણા બધા તરફથી અમદાવાદને જન્મદિવસની ખુબ ખુબ શુભકામનાઓ.ગત વર્ષે આપને વાયદો કરેલ કે અવિનાશ વ્યાસનું ગીત અમે અમદાવાદી સંભળાવીશ તો આજે બસ એ જ ગીત લઈને આવ્યો છું, અને આ ગીત સાંભળીને સૌ અમદાવાદી ગર્વથી કહેશે અમે અમદાવાદી... અમદાવાદ વિશે તો કહીએ એટલું ઓછું અને ગુજરાત જ નહી સમગ્ર વિશ્વમાં પણ અમદાવાદનું સ્થાન અનેરું છે.અને આજે આ માટૅ સાબરમતીના રિવરફ્રન્ટ પર ભવ્ય પ્રોગ્રામ આયોજવામાં આવેલ છે અને વળી એક દોડનું પણ આયોજન કરવામાં આવેલ છે.તો ચાલો વધું સમય ન લેતા માણીએ અમદાવાદની ભવ્યતા..આ રચનાને સુર સાથે માણવ સુલભગુર્જરીની મુલાકાત જરૂરથી લેજો અને આપના અમૂલ્ય પ્રતિભાવની પ્રતિક્ષા રહેશે.અને ગત વર્ષે રજૂ કરેલ રચના હું અમદાવાદનો રિક્ષાવાળો... જરૂરથી માણશો.

અમે અમદાવાદી… અમે અમદાવાદી…
જેનુ પાણી લાવ્યુ તાણી ભારતની આઝાદી…
ભાઇ, અમે અમદાવાદી… અમે અમદાવાદી…

અમદાવાદના જીવનનો સુણજો ઇતિહાસ ટચુકડો,
જ્યાં પહેલા બોલે મિલનુ ભુંગળુ પછી પુકારે કુકડો,
ને સાઇકલ લઇને સૌ દોડતા, રળવા રોટલીનો ટુકડો,
પણ મિલમંદિરના નગદેશ્વરનો રસ્તો કયાં છે ઠુંકડો,
મિલ મજદુરની મજદુરી પર શહેર તણી આબાદી,
ભાઇ, અમે અમદાવાદી… અમે અમદાવાદી…

સમાજવાદી… કોંગ્રેસવાદી… શાહીવાદી… મુડીવાદી….
નહિ સમિતિ… નહિ કમિટિ… નહિ સોશ્યાલિસ્ટની જાતીવાદી…
નહિ વાદ ની વાદવિવાદી… ‘M’ વિટામિનવાદી…
ભાઇ, અમે અમદાવાદી… અમે અમદાવાદી…

ઉડે હવામા ધોતિયુ ને પેહરી ટોપી ખાદી,
ઉઠી સવારે ગરમ ફાફડા ગરમ જલેબી ખાધી,
આમ જુઓતો સુકલકડી ને સુરત લાગે માંદી,
પણ મન ફાવેતો ભલભલાની ઉથલાવીદે ગાદી,
દાદાગીરી કરે બધે છોકરા, છોકરીઓ જ્યાં દાદી,
ભાઇ, અમે અમદાવાદી… અમે અમદાવાદી…

અરે પોળની અંદર પોળ, ગલીમા ગલી, ગલી પાછી જાય શેરીમા ઢળી,
શેરી પાછી જાય પોળમા વળી, વળી પાછી ખડકીને અડકીને ખડકીને ગલી,
અરે મુંબઇની કોઇ મહિલા જાવા જમાલપુર નીકળી,
ને વાંકીચુકી ગલી-ગલીમા વળી વળી ને ભલી,
ભાઇ માણેકચોકથી નીકળી પાછી માણેકચોકમાં વળી,
આવીતો ભાઇ બહુ કેહવાની… આતો કહિ નાખી એકાદી…

ભાઇ, અમે અમદાવાદી… અમે અમદાવાદી…
જેનુ પાણી લાવ્યુ તાણી ભારતની આઝાદી…
ભાઇ, અમે અમદાવાદી… અમે અમદાવાદી…

વેલેન્ટાઈન ડે…પ્રિય દીદીનો જન્મદિવસ…મનના વિશ્વાસનો બીજો જન્મદિવસ… પ્રેમનો પમરાટ…… રમેશ પટેલ ‘ આકાશદીપ’

2010-02-14T19:45:00.000+05:30

જય શ્રીકૃષ્ણ મિત્રો/વડીલો,

થઈ મનનો વિશ્વાસ રમશું
ઉર ને ભાવભરીને સજશું
ઘર દીવડા થઈ ઝળહળશું
ને પાવન પ્રકાશ પાથરશું
મનના વિશ્વાસને આ શુભ દિને અંતરથી અભિનંદન. મેડિકલ લાઈનની વ્યસ્તતા છતાં સાહિત્યથી પ્રેમનાં
ઝરણામાં સૌને ભીંજવતા ડો શ્રી હિતેશભાઈ અને મનને ખૂબ ખૂબ શુભેચ્છાઓ.
અને ગત વર્ષે આજના દિન પર રજું થયેલ સાત-સાત રચનાઓ ની પણ ફરી મુલાકાત જરૂરથી લેજો.

પ્રેમ એતો પાવન પમરાટ
રૂપાળો કે રૂક્ષ થઈ બદલતો ઘાટ
પ્રેમ એતો સાગરની જાત
મળે ચંદરવો તો ઉછળે જઈ આભ

પ્રેમ એતો દિલનો ઉજાશ
સમર્પણથી નિશદિન મ્હેંકે સુવાસ
પ્રેમ એતો ભીંનો વરસાદ
ઝીલીને પ્રેમનો માણો અહેસાસ

પ્રેમ એતો સ્વપ્નોની ચાહ
માના ખોળાની કહે મમતાની વાત
પ્રેમની વાતો છે રંગીલી યાર
કોઈ દિ ગાયે ગઝલ કે રૂવડાવે રાત

પ્રેમ પૂરે જીવનમાં શક્તિ અનંત
પ્રેમની વાતોના નોંખા છે રંગ
ફૂલની ફોરમ લઈ મ્હેંકે છે પ્યાર
ચાહ વિના જીંદગી અધૂરી છે યાર

વેલેન્ટાઈન ડે...પ્રિય દીદીનો જન્મદિવસ...મનના વિશ્વાસનો બીજો જન્મદિવસ... “ मन का विश्वास, ”.....प्रेरणा

2010-02-14T19:28:00.000+05:30

જય શ્રીકૃષ્ણ મિત્રો/વડીલો,

આજે છે ૧૪મી ફેબ્રુઆરી.વિશ્વભરમાં આજે આ દિનને પ્રેમ દિન તરીકે ઉજવવામાં આવે છે એટલે કે વેલેન્ટાઈન ડે.વળી મારા માટે તો આજનો દિન એથી પણ વિશેષ ખાસ છે કારણકે આજે છે મારી સૌથી નજીક એવી મારી પ્રિય દીદીનો જન્મદિવસ.અને સાથે સાથે આ મનના વિશ્વાસનો બીજો જન્મદિવસ.હા આપ સૌ મિત્રોના સાથ અને સહકારથી જ, આજના દિને જ ૨૦૦૮માં જન્મેલા આ માતૃભાષી બ્લોગ મનનો વિશ્વાસ આજે ૨ વર્ષ પૂર્ણ કર્યા અને આપ સૌના દિલમાં જ્ગ્યા મેળવી રહ્યો છે.અને આજે આપ સર્વે મિત્રો/વડીલોના આશીર્વાદથી અને પ્રભુકૃપાથી આ બ્લોગ પર ૨૭૮ રચનાઓ પ્રદર્શિત થઈ ચૂકી છે, જેમાં જુદા જુદા ૧૪૯ કવિઓની રચનાઓ છે તથા આપ સર્વેના ૪૯૬ થી વધું અમૂલ્ય પ્રતિભાવો આવ્યાં છે. અને અંદાજે . ૧૬૦૯૮ થી પણ વધું મિત્રો/વડીલોએ અમ આંગણૅ પધારી અમને અહોભાગી બનાવ્યા છે.

અને હા મને સતત પ્રોત્સાહન અને મદદ કરતા રમેશભાઈ પટેલ‘ આકાશદીપ’, ડૉ.ચંદ્રવદન મિસ્ત્રી,જયેશભાઈ ઉપાધ્યાય, કેયુરભાઈ,દિલિપભાઈ ગજ્જર, વિતલ પટેલ,ધવલભાઈ,ડો.વિવેકભાઈ ટેલર, ઉર્મિબેન, જયશ્રીબેન, પ્રજ્ઞાજુબેન, ચિરાગભાઈ, ચેતનાબેન, પિન્કીબેન, બીનાબેન તથા સર્વે કદાચ ઘણાના નામ રહી ગયા છે તે સર્વેનો હું હૃદયપૂર્વક આભાર માનું છું. અને મારી પ્રિય દીદી અને મારી ખાસ મિત્ર મન જેમના વિના તો આ બ્લોગ આટલો વિકસિત જ ન થઈ શક્યો હોત અને આ સમગ્ર બ્લોગ અને તેની સફળતા આ બંનેને સમર્પિત છે.અને આ પ્રસંગ પર પણ રમેશભાઈ અને મારી મિત્ર પ્રેરણા બંનેએ પોતાની રચના મોકલાવી છે તો ચાલો માણીએ આ રચના..આને હા આપના અમૂલ્ય બે બોલથી અમને પાવન કરશો. અને ગત વર્ષે આજના દિન પર રજું થયેલ સાત-સાત રચનાઓ ની પણ ફરી મુલાકાત જરૂરથી લેજો.

ख्वाब जो मेरी आंखोमे है,

क्या तुमने भी देखे है ?

बातें जो ईन होंठों पे है,

क्या तुम भी कहना चाहते हो ?

तरसती है नजरें तेरे दिदार को,

तडपती है बॉंहे तुजे पाने को,

आवाज्ञ मेरे दिल की सुन लो तुम,

नाम मेरा कभी तो लो तुम,

प्यार से तुम्हारा दामन भर देंगे,

ऑंसु तुम्हारा हर हम लेंगे.

कह दो एक बार तुम्हे भी प्यार है,

दिल क्या जान भी तुम्हे दे देंगे.

मन और विश्वास का ये “ मन का विश्वास, ”

भर देंगा आप के जीवन में हर आश.

હું ગુર્જર ભારતવાસી.....ઉમાશંકર જોશી

2010-01-26T15:52:00.001+05:30

જય શ્રીકૃષ્ણ મિત્રો,

આજે છે ૨૬મી જાન્યુઆરી.આજે તો છે આપણા બંધારણના અમલીકરણનો દિન એટલે કે આપણો ગણતંત્ર દિન.ઈ.સ. ૧૯૫૦ના આજના દિને જ આપણું બંધારણ અમલમાં આવ્યું અને આજે જે લોકસભા, રાજ્યસભા, સંસદનું સંવિધાન ચાલે છે તેનો પાયો નંખાયો હતો માટે જ તેને રાષ્ટ્રીય તહેવાર તરીકે ઉજવાય છે.તો ચાલો આજે આ પ્રજાસત્તાક દિન પર માણીએ ઉમાશંકર જોશીની આ સર્વોત્તમ રચના અને આપના અમૂલ્ય પ્રતિભાવની અપેક્ષા સહ... અને ગત વર્ષે રજૂ કરેલ શ્રી રમણલાલ સોનીનો એક સ્વાનુભવ પણ જરૂરથી વાંચજો...

હું ગુર્જર ભારતવાસી.
ઝંખો પલ પલ સહુજન મંગલ મન મારું ઉલ્લાસી . હું…..

અર્બુદ- અરબસમુદ્ર વચાળે
ધરતીના આ આઉ દુધાળે,
આવી વળગી હર્ષ-ઉછાળે
ઉત્તર પશ્ચિમ દક્ષિણ પૂર્વથી વિધ વિધ પ્રજા સુહાસી . હું…..

ધન્ય ધરા આ, કૃષ્ણ વસ્યા જ્યાં,
વિપદ દીઠી ક્યહીં, ત્વરિત ધસ્યા ત્યાં;
ગીતામૃત પી ગાંધી હસ્યા હ્યાં.
ગાંધી-કૃષ્ણની કરુણાકરણી રહો જ ચિત્ત ઉપાસી . હું….

અશોક-ધર્મલિપિ ઉર મુજ અંકિત,
ઈસાઈ પારસિક મુસ્લિમ જિન-હિત
મંત્ર મધુર ગુંજે અંવિશંકિત :
‘સર્વ ધર્મ સમ, સર્વ ધર્મ મમ.’ – ઉર એ રહો પ્રકાશી . હું….

ગિરિચટ્ટાન સમાણી છાતી
જલધિતરંગ નાથે મદમાતી,
રમે વિદેશે સાહસ-રાતી
સદાજાગરૂક જગતનાગરિક સાગરતીર્થનિવાસી.

હું ગુર્જર ભારતવાસી.

ઝંખો પલ પલ સહુજન મંગલ મન મારું ઉલ્લાસી

ઉત્તરાયણ... હું રે પતંગ.....રમેશ પટેલ ‘આકાશદીપ’

2010-01-14T15:33:00.001+05:30

જય શ્રીકૃષ્ણ મિત્રો,

આજે છે ૧૪મી જાન્યુઆરી.આજે તો છે ઉત્તરાયણ.સૂરજદાદાનું ઉત્તર તરફ ગમન કહું કે મકરસંક્રાંતિ.પણ ખાસ ગુજરાતમાં કહું તો આજનો દિન એટલે પતંગ ચગાવવાનો દિવસ. અને બસ આ પતંગની માફક જ પોતાનો આનંદ આકાશમાં વહેવડાવવાનો દિવસ. અને પતંગના પેચ લડતા લડતા ક્યારે નયનોના પેચ લડી જાય તે પણ કહેવાય નહ ખરું ને...!!! અને વળી આ વખતે તો આવતીકાલે ૧૫મી જાન્યુઆરીએ તો સૂર્ય અને ચંદ્રમાંના પણ પેચ લડવાના છે એટલે કે સદીનું કંકણાવર્તી સૂર્યગ્રહણ થવાનું છે. તો વાસી ઉત્તરાયણના દિવસે બપોરના સમયે યોગ્ય સાધનની મદદથી આ લાહવો પણ ચૂકતા નહીં અને તે સમય દરમિયાન પતંગ ચગાવવાનું ટાળજો.તો ચાલો પતંગ ચગાવવા લાગી જઈએ...આજે પણ ગત વર્ષની જેમ જ રમેશભાઈની રચના લઈને આવ્યો છું.વળી ગત વર્ષની કંકોતરી વાંચવાની પણ ચૂકતા નહી.બસ આપ સૌના પતંગના આગમનની રાહમાં એટલે કે આપના અમૂલ્ય પ્રતિભાવોની અપેક્ષા સહ ચાલો માણીએ આ રચના...

મસ્ત થઈ ઝૂમતી હું રે પતંગ
વહોને વાયરા ધીરે,મારે ઊડવું ગગન
મકર સંક્રાંતિનો પાવન છે પર્વ
પ્રકૃતિ પ્રેમ દોરે , મારે બાંધવું બંધન
હું ને પતંગ
પતંગ તને ઊડવું ગમે
ને મને ઊડાડવું ગમે
નખરાળો પવન તને સતાવે ભલે
મોજથી મનગમતા પેચ લપટાવીએ હવે
નીરખે ગોગલ્સમાં કોઈ તને
દૂરથી જુએ કોઈ છાનું મને
એક આંખવાળો પાવલો સતાવે ભલે
હાલને મજીયારો આનંદ લૂંટીએ જગે
ઓલો વિદેશી ઢાલ કેવો હંફાવી હસે
ને તારી જબરી શ્રીમતી લોટાવે મને
ખાઈ માલપૂડા ખખડાવ હવે થાળી ખાલી
લે હું પણ મારું અમદાવાદી ખેંચ છાનીછાની
દાદા દાદી જરા કાઢજો ને ગૂંચ
સૂરતી દોરીની મોટી છે લૂમ
લાગે ઉત્તરાયણ આજ વહાલી વહાલી
ઊંધીયા જલેબીથી ભરીએ મોટી થાળી
આકાશે ચગી અમારે દેવા સંદેશ
દાદા સૂરજ હાલ્યા મકરને દેશ
ઘરઘરનો દુલારો મારો ઉત્તરાયણ તહેવાર
રૂપલે મઢી પતંગથી છાયો કલશોર

આપણા દુ:ખનું કેટલું જોર ? ….. રાજેન્દ્ર કેશવલાલ શાહ

2010-01-04T18:14:00.000+05:30

જય શ્રીકૃષ્ણ મિત્રો,

નવા વર્ષની પોસ્ટ રમેશભાઈની રચના તો શિડ્યુલ કરી રાખેલ હતી પણ કેટલીક તકનીકી ખરાબીના કારણે રજૂ ન થઈ શકી અને આજ આ નવા વર્ષ ૨૦૧૦ની શરૂઆત એક દુખદ સમાચાર સાથે કરવી પડે છે.ગઈ કાલે મુંબઈમાં "જ્ઞાનપીઠ" એવોર્ડ વિજેતા કવિ શ્રી રાજેન્દ્ર કેશવલાલ શાહનું ૯૭ વર્ષની વયે અવસાન થયું છે.એમના વિશે કહુ તો ૨૧મી જાન્યુઆરી ૧૯૧૩ના રોજ કપડવંજ ખાતે જન્મેલા રાજેન્દ્ર શાહે ઘણા પુરસ્કાર મેળવેલ છે વળી ખુબ જ લોકપ્રિય થયેલ અને ફાલ્ગુની પાઠક દ્વારા ગવાયેલ ગરબો "ઈંધણા વીણવા ગઈ તી મોરી સૈયર..." પણ તેમની રચના છે.વ્રજ્ગીતો, રાજસ્થાની અને બંગાળી લયનો પણ પ્રયોગ કરનાર, લય અને ઊર્મિશીલ કવિના જવાથી ગુજરાતી સાહિત્યને ઘણી ખોટ પડશે, તો આજે તેમની જ એક રચના આજે રજું કરું છું કે જે આપણને જાણે કહેતા હોય કે "ભાઈ રે, આપણા દુ:ખનું કેટલું જોર ? આપના અમૂલ્ય પ્રતિભાવોની અપેક્ષા સહ...

ભાઈ રે, આપણા દુ:ખનું કેટલું જોર ?
નાની એવી જાતક વાતનો મચવીએ નહિ શોર !

ભારનુ વાહન કોણ બની રહે? નહી અલૂણનું કામ,
આપણ તો બડભાગી, ખમીરનું આજ ગવાય રે ગાન;
સજલ મેઘની શાલપે સોહે રંગધનુષની કોર.

જલભરી દગ સાગર પેખે, હસતી કમળફૂલ,
કોકડું છે પણ રેશમનું, એનું ઝીણું વણાય દુકૂલ;
નિબિડ રાતના કાજળ પાછળ પ્રગટે અરુણ ભોર.

આપણે ના કંઈ રંક, ભર્યોભર્યો માંહ્યલો કોશ અપાર;
આવવા દો જેને આવવું, આપણે મૂલવશું નિરધાર;
આભ ઝરે ભલે આગ, હસી હસી ફૂલ ઝરે ગુલમ્હોર.

મહોરમ...वो सुबह कभी तो आयेगी.....સાહિર લુધિયાનવી

2009-12-28T07:52:00.002+05:30

જય શ્રીકૃષ્ણ મિત્રો,

આજે છે ૨૮મી ડિસેમ્બર. આજે છે મહોરમ. મુસ્લિમો માટેનો એક માતમ અને શહિદ દિન.આજે પણ જ્યારે ધર્મના નામે લડાઈ અને આતંકવાદના નામે લેવાતા નિર્દોષ લોકોના ભોગને કારણે હૃદય દ્રવી ઉઠે છે કે શું આ માનવજાતની સર્વોચ્ચતા છે આના કરતા તો એ પશુ સારા કે જેઓ પરસ્પર હળીમળીને રહે છે, અને માનવ સિવાય કોઈ પણ પ્રાણી પોતાના વંશજ કે જાતિના પ્રાણી પર હુમલો ક્યારેય કરતા આજ દિન સુધી કોઈએ જોયા નથી.કોઈ પશુ ને પશુ થવા નથી કહેવુ પડાતું, પરંતુ માનવ ને કહેવું પડે છે કે માણસ થા...શું સાચે જ આપણી માનવતા ગુમાવી બેઠા છીએ. ના હજી પણ સમય છે , જાગ્યા ત્યારથી સવાર. ચાલો આજના દિને પ્રણ લઈએ કે હંમેશા ભાઈચાર અને પ્રેમ અને શાંતિથી રહીશું અને સમસ્યાને ઉકેલશું.આજે સાહિર લુધિયાનવીનું એક ફિલ્મ ફિર સુબહ હોગી નું ગીત રજું કરું છું આશા છે આપ સૌને ગમશે.અને આપના અમૂલ્ય પ્રતિભાવોની પ્રતિક્ષા રહેશે…

वो सुबह कभी तो आयेगी, वो सुबह कभी तो आयेगी.

ईन काली सर्दीयों के सर से, जब रात का आचल ढलकेगा,

जब दुःख के बादल पिघलेंगे, जब सुख का सागर छलकेगा.

जब अंबर झूम के नाचेगा, जब धरती नगमे गायेगी,

वो सुबह कभी तो आयेगी,वो सुबह कभी तो आयेगी.

जिस सुबह की खातिर जुग जुग से, हम सब मर मर कर जीते है,

जिस के अमृत की बूंद में, हम ज्ञहर के प्याले पीते है,

ईन भूखे प्यासे रुंहो पर, एक दिन तो करम फरमायेगी,

वो सुबह कभी तो आयेगी,वो सुबह कभी तो आयेगी.

माना के अभी तेरे मेरे अरमानो की किमत कुछ भी नही,

मिट्टी का भी है कुछ मोल मगर, ईन्सानो की किमत कुछ भी नही.

ईन्सानो की ईज्जत जब झूठे सिक्कोमें ना तोली जायेगी,

वो सुबह कभी तो आयेगी,वो सुबह कभी तो आयेगी.

મેરી ક્રિસમસ...ક્રિસમસનો સાંતાક્લોઝ ! .....યોગેશ એસ. શુક્લ

2009-12-25T11:04:00.001+05:30

જય શ્રીકૃષ્ણ મિત્રો,

અરે આજે તો કહેવું જોઈએ કે મેરી ક્રિસમસ મિત્રો...!!! આજે છે ૨૫મી ડિસેમ્બર એટલે કે નાતાલ. આમ તો ઘણા બધા દિવસો બાદ મળવાનું થયું છે પણ સાથે ઘણી ખુશખબરી અને દિવસોની ઉજવણી સાથે લાવ્યો છું. બાલદિન બાદ ખાસ તો આજે નાના ભૂલકા અરે મોટા પણ જેની પાસે ભેટ સોગાદની આશા રાખે છે તેવા સાન્તાકોઝ દાદાની આજે નાતાલ છે તો આજે ગમે તેટલી વ્યસ્તતા વચ્ચે પણ સમય નિકાળીને આ પોસ્ટ રજુ કરી રહ્યો છું.

મારા પપ્પા હવે સંપૂર્ણ સ્વસ્થ છે તથા ૩જી ડિસેમ્બરના રોજ મારી ભાણી પ્રિયાંશીનો જન્મદિવસ હતો. અને તે જ દિવસે મને એનેટોમી વિભાગ, બી. જે. મેડીકલ કોલેજમાં પીજી અભ્યાસક્રમની સાથે સાથે ટ્યુટરશીપ પણ મળી ગઈ છે એટલે ખુશી બેવડાઈ ગઈ, તે સમયે કામ વધું હોવાથી આ ખુશખબરી થોડી મોડી જણાવું છું તો તે બદલ દિલગીર છું.વળી ગઈકાલે હતો રાષ્ટ્રીય ગ્રાહક અધિકાર દિન.અને વળી રેડ રિબન એક્સપ્રેસ ગુજરાતમાં ફરી આવી ચૂકી છે પણ તેની વાત ફરી ક્યારેક... આજે તો નાતાલ પર અને આતંકવાદને જોડતું એક વ્યંગકાવ્ય રજું કરું છું આશા છે આપ સૌને તે ગમશે. અને આપ સૌ મિત્રો/વડીલોને મેરી ક્રિસમસ અને આપના અમૂલ્ય પ્રતિભાવોની પ્રતિક્ષા સહ... વળી ગત વર્ષે સાન્તાક્લોઝ કોણ છે અને નાતાલ પરનું બાળગીત જરૂરથી માનશો.

તાજ હોટલ, ક્રિસમસ પાર્ટીમાં,
પ્રવેશતાં જ બોલ્યો એક એન્જલ (દેવદૂત્)
“ ઓળખ્યો મને ?
હું ક્રિસમસનો સાંતાક્લોઝ,
લાવ્યો છું સૌ માટે ભેટસોગાદ
બાળકો માટે રમકડાં,
દુઃખીઓ માટે હાસ્ય,
રોગીઓ માટે સ્ફુર્તિ,
જેવી જેવી વ્યકિતની જરુરિયાત
તેવી તેવી મળશે તેમને ભેટસોગાદ ”
એન્જલ બોલ્યો,
“ અરે ! ખૂણામાં કોણ લોકો ઊભા છે ?
સૂનમૂન છો કેમ તમે બધા ? ”
વ્યકિતઓ બોલી,
“ હું શહીદની માતા છું,
હું શહીદનો પિતા છું,
હું શહીદની પત્ની છું,
હું શહીદનો પુત્ર છું, ‘
જોઈએ છે અમને સૌને એક જ સોગાદ,
લાવ એવો માનવ જે નાથે આજનો આતંકવાદ,
રહેશે દુનિયા પરના મનુષ્યો એકબીજાની ક્લોઝ,
ત્યારે જ તું બનશે અમારો ક્રિસમસનો સાંતાક્લોઝ ! ”

બાળદિન…ઢીંગલી મેં તો બનાવી મજાની.....

2009-11-14T23:32:00.001+05:30

જય શ્રીકૃષ્ણ મિત્રો,

આજે છે ૧૪મી નવેમ્બર એટલે ઘણા દિવસોનો સંગમ. આજે છે વિશ્વ બ્લડપ્રેશર દિન "World Blood pressure Day".અને વિશ્વ ડાયાબીટીસ દિન. તથા બાળકોનો દિવસ એટલેકે ચાચા નહેરું નો જન્મદિન જેને આપણે બાળદિન તરીકે ઉજવીએ છીએ.તો સૌ બાળકોને બાલદિનની ખુબ ખુબ શુભકામનાઓ.વળી ગઈકાલે હતો કવિ શ્રી મકરંદ દવેનો જન્મદિન પણ અને આવતીકાલે છે બાળવાર્તાના નિષ્ણાત અને બાળકોના પ્રખ્યાત એવા ગિજુભાઈ બધેકાનો જન્મદિવસ તો તેમને પણ જન્મદિનની ભાવભીની શુભકામનાઓ.

અને હા મિત્રો, હમણાંથી બ્લોગ પર મળાતું નહોતું કારણકે હમણા કોલેજમાં ખુબ જ વ્યસ્તતા રહે છે, વળી ગયા અઠવાડીયે મારા પપ્પાની નાદુરસ્ત તબિયતને કારણે તેમને આઈ.સી.યુ.માં દાખલ કરવા પડ્યા હતા.જેથી મનનો વિશ્વાસ અપડેટ ન થઈ શક્યો તથા આપ મિત્રો/વડીલોના બ્લોગની મુલાકાત પણ નથી લઈ શક્યો અને આપના અમૂલ્ય પ્રતિભાવોનો પ્રત્યુત્તર પણ નથી આપી શક્યો તો તે બદલ દિલગીર છું.જો કે હવે તેમની તબિયત સુધારા પર છે.તો ચિંતા ન કરતાં.આજે પણ માત્ર મારા નાના બાળમિત્રો માટે જ સમય નિકાળીને આ બાળગીત રજું કરું છું આશા છે આપ સર્વને ગમશે.વળી અહીં મૂકેલ ચિત્ર પણ ફુલમાંથી બનાવેલી ઢીંગલીઓનું છે.અને આપના અમૂલ્ય પ્રતિભાવોની રાહ જોઈશ...

ઢીંગલી મેં તો બનાવી મજાની,

તૈયાર એને હવે કરવાની,